Google ADS

Ndizen sirenat, raportohet për shpërthim në Kiev

20:38 | 2 Mars 2022
KRG

Zyrtarët ukrainas kanë raportuar për një shpërthim të fuqishëm në qendër të Kievit. Vendi ku ka ndodhur shpërthimi gjendet ndërmjet stacionit hekurudhor jugor dhe hotelit Ibis, në zonën pranë Ministrisë së Mbrojtjes së Ukrainës.

Zyra e presidentit ukrainas, Volodymyr Zelenksy, i tha AP se sulmi ishte kryer me një raketë.

Zyrtarët thanë se ende është e paqartë për dëmin e shkaktuar nga ky sulm me raketa dhe nëse ka viktima.

Stacioni hekurudhor jugor është një prej dy stacioneve që përdoren nga pasagjerët dhe mijëra persona i kanë përdorur stacionet hekurudhore për t’u strehuar pas shpërthimit të luftës më 24 shkurt.

Dy stacionet janë të lidhura përmes një korridori që kalon përmes dhjetëra binarve.

Stacionet gjenden rreth 3 kilometra larg nga Sheshi Maidan, që më 2014 ishte skenë e protestave të mëdha.

Shpërndaje në rrjete sociale

Lajmet më të lexuara

Të ngjashme

Foto lajm