Ilir Meta, ka dekretuar dy ligje atë për ratifikimin e marrëveshjes me Greqinë për ngritjen dhe funksionimin e një qendre të përbashkët policore dhe doganore dhe për ratifikimin e marrëveshjes me Mbretërinë e Spanjës, si shtesë e Konventës Evropiane për Ekstradimin të vitit 1957”.
NJOFTIMI I PRESIDENCES
Presidenti i Republikës Sh.T.Z. Ilir Meta, ka dekretuar me shpallje, këto ligje:
– Ligjin nr. 12/2022 “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës së Greqisë për ngritjen dhe funksionimin e një qendre të përbashkët policore dhe doganore”
Kjo marrëveshje shkon në funksion të ndërmarrjes së masave të përbashkëta kundër kërcënimeve ndërkufitare nga ana e të dy autoriteteve, me qëllim forcimin e luftës kundër krimit ndërkufitar, krimit të organizuar dhe lidhjeve të tij, migracionit të paligjshëm, trafikimit të drogave, ekstremizmit të dhunshëm, radikalizmit, si dhe krimeve të rënda.
– Ligjin nr. 17/2022 “Për ratifikimin e marrëveshjes ndërmjet Republikës së Shqipërisë dhe Mbretërisë së Spanjës, si shtesë e Konventës Evropiane për Ekstradimin të vitit 1957”.
Kjo marrëveshje synon plotësimin e kuadrit juridik në fushën e bashkëpunimit të ndërsjelltë në fushën penale dhe lehtësimin e procedurave të ekstradimit të shtetasve, ndërmjet Republikës së Shqipërisë dhe Mbretërisë së Spanjës.
Gjithashtu, është për t`u vlerësuar forcimi i lidhjeve mes dy sistemeve të drejtësisë dhe përmirësimi i institutit të ekstradimit lidhur me dorëzimin reciprok të kriminelëve tek autoritetet respektive të të dy vendeve./VizionFokus/
Festë e madhe me flamur kuqezi në dhomat e zhveshjes së Lill...
Rama ndan fotot nga vizita e Von der Leyen në Tiranë: Nga Sh...
Izraeli akuzon 6 gazetarë të Al Jazeeras në Gazë se janë mil...
Veliaj falënderon Ursula von der Leyen për fjalët e mira për...
Horoskopi ditor, parashikimi i yjeve për shenjën tuaj
“Partizani”, Berisha në gjyq/ GJKKO vendos nëse dosja ndaj i...