Ish-presidenti amerikan, Donald Trump, e quajti pushtimin rus të Ukrainës “një mizori që nuk duhej lejuar kurrë të ndodhte”, por fajësoi administratën e Presidentit Biden.
Në fjalët e tij në Konferencën e Veprimit Politik Konservator në Orlando, Trump ka parashikuar se në Europë “do të shpërthejë një luftë e madhe”, transmeton portal arbresh.info
Trump, i cili tashmë ka mbështetur mbi 120 kandidatë vendorë dhe federalë republikanë në zgjedhjet afatmesme të 2022-shit, bëri gjithashtu një sugjerim të fortë se ai do të kandidojë për president në vitin 2024.
“[Demokratët] do të zbulojnë rrugën e vështirë duke filluar nga 8 nëntori, dhe pastaj përsëri edhe më shumë në nëntor 2024. Ata do ta zbulojnë si kurrë më parë. Ne e bëmë atë dy herë. Ne do ta bëjmë përsëri. Ne do të do ta bëj përsëri për herë të tretë”, tha Trump.
Trump e ka quajtur Presidentin rus, Vladimir Putin, “të zgjuar”, para 5 mijë personave të pranishëm.
“Problemi nuk është se Putini është i zgjuar, që sigurisht ai është i zgjuar, por problemi i vërtetë është se udhëheqësit tanë janë memecë”, tha Trump para turmës.
Trump gjithashtu ka lavdëruar Presidentin e Ukrainës, Volodymyr Zelensky, të cilin e quajti “ burrë trim”./arbresh.info/
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...