Benzema ia dhuron fitoren Real Madridit ndaj Rayo Vallecanos

20:29 | 26 Shkurt 2022
Lorik Gerbeshi

Real Madridi ka fituar me mund ndaj Rayo Vallecanos si mysafir me rezultat 1-0 në kuadër të javës së 26-të në La Liga.

Ndeshja nisi me të dy skuadrat që kishin nga një rast të mirë, fillimisht me Sergio Guardiolan që rrezikoi për vendasit në minutën e 18-të.

Pas tij ishte Sergio Asensio që kishte rast të mirë për të shënuar, por portieri Luca Zidane ishte në vend.

Në minutën e 39-të Casemiro gjeti golin, por që u anulua nga VAR.

Krejt në fund të pjesës së parë ishte Karim Benzema që rrezikoi por pa sukses, pasi Zidane priti edhe gjuajtjen e tij.

Rastin e parë në pjesën e dytë e kishte Rayo Vallecano që Mario Suarez, por rrjeta mbeti e patundur.

Kur ndeshja po shkonte nga fundi në skenë doli Benzema që përfitoi nga një asistim i Vinicius Junior për të shënuar për 1-0.

Deri në fund nuk kishte më gola dhe Real Madridi iu gëzua fitores së 18 sezonale që e mban në vendin e parë me 60 pikë.

Shpërndaje në rrjete sociale

Lajmet më të lexuara

Të ngjashme

Foto lajm