Ukraina hedh poshtë pretendimet se ka refuzuar të negociojë me Rusinë

23:26 | 25 Shkurt 2022
Trina Galanxhi

Ukraina ka hedhur poshtë pretendimet se ka refuzuar të marrë pjesë në negociatat me Rusinë.

Autoritetet në Ukrainë kanë theksuar s ejanë të gatshëm të flasim për një armëpushim dhe për paqe, transmeton portal arbresh.info

Më herët sot, Kremlini tha se presidenti rus Vladimir Putin kishte kërkuar që bisedimet të mbaheshin në Minsk, kryeqyteti i aleatit të Rusisë, Bjellorusia – por Ukraina kishte refuzuar, duke kërkuar që ato të mbaheshin në Poloni.

Në një postim në Facebook, zëdhënësi i Presidentit të Ukrainës tha: “Më duhet të hedh poshtë akuzat se ne kemi refuzuar të negociojmë.

“Ukraina ka qenë dhe mbetet e gatshme të flasë për një armëpushim dhe paqe.

“Ky është qëndrimi ynë i vazhdueshëm, ne ramë dakord me propozimin e Presidentit të Federatës Ruse.

“Gjatë këtyre orëve palët konsultohen për vendin dhe kohën e procesit të negociatave. Sa më shpejt të fillojnë negociatat aq më të mëdha janë shanset për rifillimin e jetës normale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm