Google ADS

Evakuohen stafi diplomatik rus nga shteti i Ukrainës

19:28 | 22 Shkurt 2022
KRG

Ministri i punëve të jashtme të Rusisë, Sergei Lavrov ka deklaruar se do të evakuojnë stafin diplomatik nga shteti i Ukrainës, duke u arsyetuar se evakuimi i diplomatëve, është për t’i “mbrojtur jetën dhe sigurinë e tyre”.

“Prioriteti ynë i parë është të kujdesemi për diplomatët rusë dhe punonjësit e ambasadës dhe konsullatës së përgjithshme.” ka thënë Lavrov.

“Për të mbrojtur jetën dhe sigurinë e tyre, udhëheqja ruse vendosi të evakuojë stafin e misioneve ruse në Ukrainë, gjë që do të zbatohet në të ardhmen shumë të afërt.” ka shtuar ai.

Ndërsa para pak çasteve, Parlamenti i Rusisë, ka aprovuar kërkesën e presidentit të tyre, Vladimir Putin, për të lejuar trupat ushtarake të dalin jashtë territorit të shtetit rus, me arsyetimin për të kryer një mision “paqeruajtës”. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm