Google ADS

Gjermani: Përfshihet nga zjarri një kompleks ndërtesash, tre persona përfundojnë në spital

12:41 | 21 Shkurt 2022
Fjolla Bajraktari

Tre persona kanë përfunduar në spital pas një zjarri të madh që përfshiu një kompleks të ndërtesave në qytetin e Essenit në Gjermani.

Sipas raportimit të gazetës Stern.de 100 persona u evakuuan nga zjarrfikësit.

Brigada e Zjarrfikësve të këtij qyteti u përball pas mesnatës të së hënës me zjarrin e madh por ende nuk duket se puna për shuarjen e këtij zjarri është kryer.

150 persona të skuadrës emergjente po marrin pjesë në aksion.

Ata deklaruan se intervenimi është goxha i rrezikshëm për ata sepse duhet të hyjnë në secilin apartament derisa banorët janë strehuar në një sallë ligjeratash të universitetit që gjendet aty pranë.
Autoritetet njoftuan për mbylljen e dy rrugëve “Segerothstrasse” dhe “Friedrich-Ebert-Strasse”.

Brenda një jave janë regjistruar tre zjarre në lagjen Elting të këtij qyteti.

Ende nuk dihet shkaqet e zjarrit të madh por policia ka nisur hetimet për të zbardhur rastin./Klan Kosova/

Shpërndaje në rrjete sociale

Lajmet më të lexuara

Të ngjashme

Foto lajm