Antonello: Suning nuk do largohet nga Interi, kanë projekt afatgjatë

12:14 | 20 Shkurt 2022
Lorik Gerbeshi

Në një intervistë për “Financial Times”, Alessandro Antonello ka folur për zërat e fundit që thonë se grupi Suning do të largohet nga Interi, duke përgënjeshtruar një largim të mundshëm të pronarëve kinezë:

“Jo, Jo! Aksionarët janë impenjuar në investime afatgjate në klub. E ardhmja e futbollit italian? Duhet të stimulohemi nga rritja e Premier League dhe të zvogëlojmë diferencën që kemi me ta”, ka thënë CEO i Korporatës zikaltër.

Drejtuesi zikaltër ka folur edhe për mundësitë që ka Serie A për të futur fonde të reja, siç ndodhi së fundmi me Atalantën, që u ble nga “Bain Capital”:

“Mund të jetë një rrugë për tu rritur, por nuk është e vetmja. Gjëja më e rëndësishme është që të kemi dikë që na mbështet në një drejtim të ri, që do të sjellë shumë përfitime për Serie A në të ardhmen”, ka përfunduar Antonello.

Shpërndaje në rrjete sociale

Lajmet më të lexuara

Të ngjashme

Foto lajm