Më shumë se një në katër gra në mbarë botën përjetojnë dhunë në familje para moshës 50 vjeç, thuhet në një studim të fundit.

Analiza e 366 studimeve që përfshinin më shumë se 2 milionë gra arriti në një vlerësim se 27% e grave të moshës 15 deri në 49 vjeç kanë përjetuar dhunë fizike dhe/ose seksuale nga një partner mashkull gjatë jetës së tyre, transmeton portal arbresh.info

Një në shtatë gra, rreth 500 milionë në mbarë botën, kanë përjetuar dhunë në familje gjatë kohës kur po kryej studimi, i cili u botua në Lancet.

Për shkak se studimet, të kryera ndërmjet viteve 2000 dhe 2018, u bazuan në përvoja të vetë-raportuara dhe duke pasur parasysh natyrën e ndjeshme dhe të stigmatizuar të çështjes, shkalla e vërtetë e dhunës ka frikë të jetë edhe më e lartë, thanë studiuesit.

Ata kanë theksuar se pandemia e Covid-19 ka rritur rastete e dhunës në familje.

“Dhuna nga partneri intim ndikon në jetën e miliona grave, fëmijëve, familjeve dhe shoqërive në mbarë botën”, tha autorja e studimit, Claudia García-Moreno, e Organizatës Botërore të Shëndetësisë (OBSH).

“Edhe pse ky studim u zhvillua para pandemisë Covid-19, shifrat janë alarmante dhe hulumtimi ka treguar se pandemia ka përkeqësuar çështjet që çojnë në dhunën familjare janë izolimi, depresioni, ankthi dhe përdorimi i alkoolit”, shtoi ajo.

García-Moreno tha se përparimi i bërë gjatë 20 viteve të fundit ishte “jashtëzakonisht i pamjaftueshëm” për të përmbushur objektivat globale për eliminimin e dhunës ndaj grave deri në vitin 2030.

Analiza e të dhënave nga 161 vende gjeti variacione rajonale, me vendet me të ardhura të larta që kishin prevalencë më të ulët të dhunës.

Statistikat shfaqin se gjatë gjithë jetës tek gratë e moshës 15 deri në 49 vjeç përjetonin dhunë familjare , deri në 49 përqind në Oqeani dhe 44 përqind në dhe Afrikën Qendrore Sub-Sahariane.

Rajonet me statistika më të ulëta të dhunës janë vlerësuar në Europën Qendrore me 16 përqind dhe Azinë Qendrore me 18 përqind. Në Europën Perëndimore u vlerësua në 20%, duke sugjeruar se një në pesë gra në rajon përjetojnë dhunë në familje para moshës 50 vjeç.

Autorët e studimit kanë theksuar se studimi është bërë me disa kufizime, që përfshijë boshllëqe të rëndësishme në të dhënat për disa rajone gjeografike dhe popullsi specifike, sikurse janë personat me aftësi me të kufizuar, gratë e pakicave etnike ose migrante dhe lesbiket.

“Këto gjetje konfirmojnë se dhuna ndaj grave nga partnerët intimë meshkuj mbetet një sfidë globale e shëndetit publik,” tha García-Moreno, e cila bëri thirrje për “investime urgjente në ndërhyrje efektive shumë-sektoriale, sidomos në shqyrtimin e përgjatë fazës së pandemisë”./guardian/arbresh.info/