Google ADS

Biden tregon se kur mund të ndodhë pushtimi i Ukrainës nga Rusia

18:09 | 17 Shkurt 2022
KRG

Derisa po largohej nga Shtëpia e Bardhë, presidenti amerikan Joe Biden, tha në një konferencë për medie se SHBA-ja ka “arsye të besojë” se Rusia është e “përfshirë në një operacion të rremë sulmi kundër vetës për të justifikuar agresion të mundshëm”.

“Çdo tregues që kemi është se ata janë të përgatitur për të hyrë në Ukrainë, të sulmojnë Ukrainën”, tha Biden, duke shtuar, “Unë mendoj se kjo do të ndodhë brenda disa ditëve të ardhshme”.

Ai potencoi se përgjigjet ruse janë dërguar, por ai ende nuk i ka lexuar ato, raporton CNN, përcjell Telegrafi.

Presidenti amerikan vuri në dukje se sekretari amerikan i shtetit Antony Blinken do të shkojë sot në Kombet e Bashkuara dhe do të shtrojë një rrugë diplomatike, duke përsëritur se “ka një rrugë”.

Biden shtoi se ai “nuk ka plane të telefonojë Putinin”.

Ai foli për më pak se dy minuta para se të hipte në Marine One për të udhëtuar në Ohio.

Shpërndaje në rrjete sociale

Lajmet më të lexuara

Të ngjashme

Foto lajm