Rusia po vazhdon të lëvizë trupat në kufirin e Ukrainës dhe ka të ngjarë të nisë një sulm ushtarak “të kufizuar” kundër Ukrainës, ka deklaruar kreu i Shërbimit të Inteligjencës në Estoni.
Sulmi do të përfshijë bombardimin me raketa dhe pushtimin e “terrenit kyç” në Ukrainë, tha Mikk Marran, drejtor i përgjithshëm i Shërbimit të Inteligjencës së Jashtme të Estonisë, shkruan Reuters, transmeton portal arbresh.info
“Për momentin, vlerësimi jonë është se ata do të shmangin qytetet me popullsi të madhe, pasi duhen më shumë trupa për të kontrolluar ato zona. Por, ende nuk është e qartë se cilën rrugë mund ta shfrytëzojnë trupat ruse”, tha ai në një konferencë për media.
Një mundësi tjetër mund të intensifikohet luftimi nga dy rajonet e shkëputura të mbështetura nga Rusia në Ukrainën lindore, sipas inteligjencës estoneze. Një përshkallëzim i tillë është “shumë i mundshëm” dhe në këtë mënyrë “Rusia ka të ngjarë të ketë një mohim të besueshëm dhe të shmangë sanksionet,” tha Marran.
“Kërcënimi për luftë është mjeti kryesor që përdor Putin”, tha Marran.
Inteligjenca estoneze është e vetëdijshme për rreth 10 grupe beteje të trupave ruse që lëvizin drejt kufirit ukrainas, ku janë vendosur tashmë 100 grupe luftarake ushtarake ruse, ose rreth 170,000 ushtarë, tha shefi i inteligjencës./Reutres/arbresh.info/
Fushata e Trump/ Ish-Presidenti u njoftua për kërcënimet e d...
Osmani falënderon Joe Biden për ftesën që të marr pjesë në S...
Kurti udhëton për në ShBA, merr pjesë në Javën e Nivelit të ...
Arrestohet 76 vjeçari në Ferizaj, policia i gjeti një armë z...
Policia shqiptoi 2 mijë e 135 gjoba trafiku brenda 24 orëve
Arrestohet një person në Klinë për vrasje në tentativë