Google ADS

Ancelotti gjakftohtë para ndeshjes kundër PSG-së: nuk është ndeshje e vështirë për t’u përgatitur

22:02 | 14 Shkurt 2022
KRG

Carlo Ancelotti pohon se përballja e Ligës së Kampionëve kundër Paris Saint-Germainit krijon më shumë motivim sesa presion.

Real Madridi do të luajë në Parc des Princes sfidën e parë të të tetës së finales me një formë të paqëndrueshme, pasi i ka fituar vetëm dy nga pesë ndeshjet e fundit.

“Kemi besim për nesër (e martë). Kjo ndeshje është aq e mirë sa për të qenë një finale e Ligës së Kampionëve. Jemi përballë një prej rivalëve më të mëdhenj për këtë trofe”, ka thënë italiani në konferencën për shtyp.

Ai e ka kujtuar kohën e kaluar te PSG dhe lidhjen me tifozët, ndërsa ka thënë se Mauricio Pochettino po bën një punë të mirë. Tutje, strategu e ka komentuar edhe presionin lidhur me këtë takim.

“Presioni i vetëm që kemi për nesër është që luajmë ndaj një ekipi të shkëlqyer si PSG, është më shumë motivim sesa presion. Nuk është ndeshje e vështirë për t’u përgatitur, të gjithë lojtarët janë shumë të motivuar”, ka shtuar Ancelotti.

Shpërndaje në rrjete sociale

Lajmet më të lexuara

Të ngjashme

Foto lajm