Google ADS

Tahiri: ZRrE-ja s’po e publikon vendimin

14:13 | 14 Shkurt 2022
arbresh.info

Shefi i grupit parlamentar, Abelard Tahiri, ka kritikuar Zyrën e Rregullatorit për Energji që nuk ka publikuar ende vendimin për shtrenjtimin e energjisë elektrike.

“Te ne pagat kanë mbetur të njëjta, kurse inflacioni është rritur, çmimet janë ngritur, çmimi i energjisë, ZRRE s’po e publikon vendimin.”, është shprehur Tahiri pas mbledhjes së Kryesisë së Kuvendit, derisa po drejtonte kritika në adresë të pushtetarëve.

Sipas tij, fatkeqësisht kanë ndodhur disa gjëra që” s’do të donim të ndodhnin”.

“S’kemi pasur asnjë iniciativë të rëndësishme sa i përket fuqizimit të ligjit, as për ekonominë”, deklaroi Tahiri para medieve.

Për publikim të vendimit edhe Partia Socialdemokrate ka qëndruar në zyrat e ZRrE-së, por nuk u sqarua asnjë nga pyetjet që ata shtruan në lidhje me shtrenjtimin e energjisë elektrike./arbresh.info/

Molliqaj i shkon në zyrë Ymer Fejzullahut të ZRrE-së: Jep dorëheqje

Shpërndaje në rrjete sociale

Lajmet më të lexuara

Të ngjashme

Foto lajm