Alvisa dhe Bashkimi janë dy nga personazhet më të përfolura nga Për’puthen 3.

Pas shumë ngjarjeve dinamike, sakrificave e skandaleve që ndodhën mes tyre, ata ishin çifti i parë që dolën nga ky sezon i formatit të njohur të dashurisë.

Mirëpo, gjërat nuk shkuan ashtu siç dukeshin e siç lanë përshtypje çifti. Pas njohjes që çifti e vazhduan jashtë gjërat morrën tjetër rrjedhë dhe dyshja e përfolur vendosën t’i ndajnë rrugët e tyre.

Ishte Bashkimi ai që deklaroi ndarjen nga Alvisa nëpërmjet një postimi në story, ndërsa kjo e fundit ka treguar për herë të parë arsyet e ndarjes.

“Ndarja nuk ka ardhur befasisht. Para se Bashkimi të publikonte atë story, kemi kontaktuar me njëri-tjetrin, jemi takuar dhe kemi vendosur që njohja jonë të përfundonte aty. Ishte një vendim që e kemi marrë të dy së bashku. Nuk ka qenë me sherr. Normalisht dhe shumë paqësore nuk mund të jetë sepse kishim krijuar një ndjesi për njëri-tjetrin. Të paktën nga ana ime ka qenë një ndjesi e fortë përderisa hodha hapin për t’u rikthyer në program. Nuk dua të hyj në detaje, ishin disa gjëra. Duke qenë se unë kam pasur lidhje serioze, Bashkimi nuk ka pasur, unë e shihja në një këndvështrim tjetër. Unë isha ajo që doja të flisja 24 orë, të takoheshim më shpesh, ishte më i tërhequr, sepse varet si jemi formuar.”- është shprehur Alvisa në një intervistë.