Theo Hernandez ka thënë se është i lumtur që ka vazhduar kontratën e tij me Milanin.

Mbrojtësi i majtë francez 24-vjeçar rinovoi zyrtarisht kontratën me kuqezinjtë deri në vitin 2026.

Hernandez fillimisht diskutoi vendimin e tij për të nënshkruar rinovimin e kontratës me Milanin.

“Jam shume i lumtur. Që nga dita e parë që erdha këtu, kam kaluar shumë mirë me trajnerin, ekipin, Maldinin dhe të gjithë. Prandaj e rinovova kontratën. Tani duhet të vazhdojmë kështu dhe t’i bëjmë gjërat mirë”.

“Është e vërtetë që shumë ekipe më donin, por unë mendoja vetëm për Milanin dhe për të qëndruar këtu”.

“Unë jam këtu me tifozët. Jam shumë i lumtur këtu, me miqtë dhe shokët e skuadrës, të dashurën dhe foshnjën që është rrugës. Jam vërtet i lumtur”, deklaroi Theo

24-vjeçari francez flet për të ardhmen e tij, por edhe ndihmën që i ka dhënë Pioli si trajner.

“Jam ende i ri, më duhet të rritem dita-ditës. Nuk kam pse të them nëse jam më i mirë se të tjerët, këtë duhet ta thotë populli”.

“Pioli më ka përmirësuar në gjithçka, si person, ashtu edhe në lojë. Që në ditën e parë që erdha më tha që duhet të bëj atë që di dhe tani po e bëj. Njerëzit, familja ime dhe shokët e mi të skuadrës më ndihmojnë”, nënvizoi Theo.

Në fundi, Hernandez foli për atë se si ndihej të mbante shiritin e kapitenit kundër Venezia muajin e kaluar.

“Trajneri më tha për këtë, por mendova se ishte një shaka. Ishte e vërtetë, shpresoj ta mbaj për më gjatë”, deklaroi ai.

24-vjeçari Hernandez ka shënuar katër gola dhe ka dhënë tetë asistime në 27 paraqitje në të gjitha garat këtë sezon.