Katër partitë opozitare, AAK, AKR, PSD dhe Nisma Socialdemokrate janë dakorduar për veprim të përbashkët opozitarë për organizimin e një proteste kundër vendimit për shtrenjtim të energjisë elektrike.

Pas takimit të thirrur nga PSD të premten, në të cilin munguan dy partitë e mëdha opozitare, PDK dhe LDK,  ka reaguar kreu i PSD-së, Dardan Molliqaj.

Molliqaj,  përmes një postimi në Facebook ka shkruar se nga takimi i përbashkët me disa nga partitë opozitare dhe përfaqësues të sindikatave u konfirmua që vendimi i ZRrE-së është i papranueshëm.  Molliqaj shkruan se kundërshtimi i tij i domosdoshëm, shkruan arbresh.info.

“Vendi ynë po përballet me problem sociale prej më të ndryshmeve, siç është rritja e çmimeve të shportës ushqimore, paga minimale tejet e vogël dhe problemet me koeficent që duket t’i ketë drafti i ri i ligjit për paga. Shto rritjen 100% të çmimit të energjisë, jeta bëhet e papërballueshme. Kjo e shpjegon edhe faktin shqetësues të ikjes nga Kosova në kërkim të një jete më të mirë”, shkruan Molliqaj.

Në këtë takim sipas tij, u dakordua që çështja e shtrenjtimit të rrymës të dërgohet deri në instanca të larta, siç është Gjykata Kushtetuese e Kosovës.

“Në takim u dakorduam si në vijim: Të kërkohet nga partitë opozitare parlamentare që ta bëjnë betejën ligjore dhe ta dërgojnë vendimin deri tek instanca e Gjykatës Kushtetuese.- Propozimi i ZRrE-së, përkatësisht propozimet e VV-së, për rritje të çmimit të energjisë ishte 26 faqe, ndërsa vendimi për rritje vetëm tre paragrafë. Kjo është e çudishtme dhe e papranueshme. Kërkojmë që vendimi të publikohet menjëherë. Deri të shtunën pasdite (11 shkurt) të shpallën hapat e ardhshëm. Organizimi përmes aksionit opozitar, që ka në qendër ndërthurjen e problemeve të shumta është rruga përpara. Zgjidhja është e përbashkët”, tregon Molliqaj./arbresh.info/

Postimi i plotë