Aleksandar Ristevski goditja e radhës nga Prishtina, mbrojtësi maqedonas pritet të prezantohet nga kampioni i Kosovës

13:44 | 7 Shkurt 2022
Lorik Gerbeshi

Prishtina ka vazhduar të përforcohet edhe pas mbylljes së afatit kalimtar të janarit.

Në fakt klubi kryeqytetas ka marrë shërbimet e mbrojtësit maqedonas Aleksandar Ristevski.

Edhe pse afati kalimtar i janarit ka përfunduar, Prishtina e ka regjistruar në FFK ditën e fundit qendërmbrojtësin maqedonas.

Telegrafi merr vesh se Ristevski tanimë i është bashkuar që disa ditë Prishtinës dhe ka stërvitur me klubin bardhekaltër.

Prishtina pritet që ta zyrtarizojë maqedonasin gjatë 24 orëve të ardhshme.

29-vjeçari kryesisht ka luajtur në kampionatin maqedonas, derisa ka pasur një periudhë të shkurtër edhe në Shqipëri ku për gjashtë muaj ka veshur fanellën e Vllaznisë së Shkodrës.

Ristevski ka luajtur për Metalurg Skopje, FK Skopje, Carev Dvor, Pobeda Prilep, Pelister Bitola, Renova, Struga dhe së fundmi Rabotnicki.

Shpërndaje në rrjete sociale

Lajmet më të lexuara

Të ngjashme

Foto lajm