Presidenti i Turqisë, Rexhep Erdogan, tha se Shtetet e Bashkuara dhe vendet tjera perëndimore nuk kanë bërë asgjë për të ndihmuar në zgjidhjen e krizës Rusi – Ukrainë dhe se kanë qenë thjesht pengesë.
“Më duhet ta them këtë shumë qartë: nëse keni vëmendje, Perëndimi fatkeqësisht nuk ka kontribuuar asgjë për zgjidhjen e kësaj çështjeje. Mund të them se ata ishin, në mënyrë të fjalëpërfjalshme, vetëm pengesë”, u tha presidenti turk gazetarëve gjatë fluturimit tek po kthehej nga Ukraina.
Erdogani, i cili ka bërë ofertë për të qenë ndërmjetësues për zgjidhjen e krizës, tha se asnjë udhëheqës evropian nuk ka arritur që ta zgjidhë mosmarrëveshjen dhe se presidenti amerikan, Joe Biden, nuk ka dhënë ende ndonjë kontribut pozitiv.
Presidenti turk, i cili ka lidhje të ngushta me homologun rus, Vladimir Putin, tha e e vlerëson shumë vizitën e planifikuar të Putinit në Turqi, shkruan Reuters.
Komentet e tij erdhën pas takimit me homologun ukrainas, Volodymyr Zelenskiy, të enjten në Kiev, ku e përsëriti ofertën e Turqisë për të ndërmjetësuar në krizën me Moskën. Presidenti ukrainas e mirëpriti ofertën, ndërsa Erdogani gjithashtu e propozoi organizimin e një takim mes Putinit e Zelenskiyt./express/
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...