KQZ refuzon të regjistroj iniciativën e Berishës në zgjedhje

14:27 | 4 Shkurt 2022
V. S.

Komisioni Qendror i Zgjedhjeve në Shqipëri ka vendosur të mos regjistroj Komisionin e Përkohshëm të Rithemelimit të Sali Berishës në zgjedhjet vendore të pjesshme të 6 marsit.

KQZ ka regjistruar koalicionin “Shtëpia e Lirisë” vetëm me partitë Lëvizjen Socialiste për Integrim dhe Partinë Demokristiane.

Pas debateve mes përfaqësuesve të Partisë Demokratike dhe LSI-së, kreu i KQZ-së, Ilirjan Celibashi është shprehur se Komisioni ka vendosur të regjistroj si subjekt koalicionin e partive politike LSI dhe PDK me emrin “Shtëpia e Lirisë” dhe partia udhëheqëse do të jetë LSI.

Celibashi sqaroi se simbolet e PD-së nuk mund të pranohen në këtë koalicion, sepse cenohet interesi i një force tjetër politike.

KQZ ka bërë të ditur se ligjërisht njeh vetëm një parti me simbolet e PD-së dhe ajo drejtohet nga Lulzim Basha.

Shqipëria pritet të mbaj zgjedhje të pjesshme vendore në gjashtë bashki të vendit – Shkodër, Dibër, Durrës, Rrogozhinë, Vorë dhe Lushnje./telegrafi/

Shpërndaje në rrjete sociale

Lajmet më të lexuara

Të ngjashme

Foto lajm