Rahoveci ka shënuar fitore ndaj Prizrenit 16 me rezultat 98:92 (28:26, 24:19, 17:25, 29:22), në xhiron e dhjetë të Ligës Unike, ndërsa ishte i vlefshëm edhe për Superligën e Kosovës në basketboll.
Fillimi i ndeshjes ishte shumë interesant, ku në çerekun e parë, herë njëra skuadër, e herë tjetra kalonte në epërsi, duke mos arritur që të shkëputen në rezultat dhe kjo pjesë e lojës përfundoi 28:26. Vreshtarët e thelluan më shumë epërsinë në periodën e dytë, ku më e larta ishte 11 pikë, 47:36, kurse pjesa e parë përfundon me shifrat 52:45.
Epërsia e vendasve u rrit deri në 12 pikë, 61:49, por nga ky moment prizrenasit hyn në një seri të suksesshme, për të shkrirë këtë epërsi dhe ishin në epërsi 67:68, ndërsa rezultati në semafor pas 30 minutash ishte 69:70, përcjell arbresh.info.
Megjithatë, vendasit nuk lëshuan pe dhe në dhjetë minutat e fundit ishin më të mirë. Ata ngritën epërsinë në 13 pikë, 92:79, dhe përkundër insistimit nga mysafirët, arritën të triumfojnë me rezultat 98:92.
Te Rahoveci u dalluan Milik Yarbrough me 31 pikë, shtatë kërcime e pesë asistime, Musab Mala me 14 pikë, 10 kërcime e 11 asistime dhe Fisnik Rugova me 24 pikë e 10 kërcime, kurse te Prizreni 16 u dalluan Courtney Fells me 24 pikë e 12 kërcime, Urim Zenelaj me 16 pikë e pesë kërcime dhe Ivan Koljeviq me 18 pikë e 10 kërcime.
Rahoveci ka katër fitore e gjashtë humbje, ndërsa Prizreni 16 ka gjashtë fitore e katër humbje.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...