Dy foshnja kanë vdekur nga i ftohti, pasi bora e madhe dhe temperaturat e ulta kanë goditur kampet e personave të zhvendosur në Sirinë veriperëndimore.
Një zyrtar i OKB-së i tha agjencisë së lajmeve AFP se vajzat shtatë ditëshe dhe dy muajshe kishin vdekur në provincën Idlib, transmeton portal arbresh.info
Rreth 2.8 milionë njerëz kanë kërkuar strehim në bastionin e opozitës pasi u larguan nga shtëpia e tyre gjatë luftës civile dhjetëvjeçare të vendit.
Shumë të zhvendosur jetojnë në tenda të vjetëruara pas rroba adektuate për t’u mbrojtur nga i ftohti dhe pa karburant për ngrohje.
OKB ka paralajmëruar se situate po përkeqësohet për shkak të një rënie të rëndë ekonomike në Siri që ka parë dyfishimin e çmimeve të ushqimeve brenda një viti, si dhe mungesën e fondeve për të ofruar ndihmë dimërore dhe rritjen e nevojave.
Observatori Sirian për të Drejtat e Njeriut tha se foshnjat, vdekja e të cilëve u raportua të martën, kishin qëndruar në kampe në zonat al-Ziyara dhe al-Sheikh Bahr, në veri të qytetit Idlib.
Sipas OKB-së, 287 kampe për personat e zhvendosur në Idlib dhe Aleppo janë prekur nga reshjet e borës, përmbytjet dhe erërat e forta si rezultat i stuhive që goditën rajonin më 18, 19 dhe 25 janar. Bora ka shkatërruar të paktën 935 tenda dhe ka dëmtuar më shumë se 9,500 të tjera./arbresh.info/
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...
Vrasja në Mitrovicë/ Policia kontrollon banesën e të dyshuar...
“Kërkesa e Vuçiqit për kthim të veriut në “gjendjen e mëpar...
Lamine Yamal aktualisht më shumë paguhet nga Adidas se nga B...