Google ADS

Bekim Balaj transferohet te skuadra në ligën e parë turke

12:50 | 30 Janar 2022
Lorik Gerbeshi

Sulmuesi shqiptar, Bekim Balaj ka zgjedhur të transferohet në Turqi, ku do të aktivizohet me skuadrën e Boluspor në Ligën e Parë turke.

Sulmuesi nga Shkodra i bashkohet “kolonisë së shqipëtareve” tek skuadra e Boluspor, ku aktivizohen, Gentian Selmani, Odise Roshi dhe Devi Bregu.

Balaj u përfol shumë për një transferim të mundshëm tek skuadra e Vllaznisë, të cilët donin shumë ta rikthenin në skuadër sulmuesin, por në fund, 31-vjeçari zgjodhi të vazhdonte në Turqi.

Për t’u veçuar fakti se Balaj bashkohet sërish me Odise Roshin, me të cilin ka luajtur për shumë sezone tek Rijeka dhe Akhmad Grozni.

Aventura e fundit e Balaj ishte në Rusi, ku u aktivizua për 16 ndeshje me skuadrën e Nizhny Novgorod, por nuk mund që të shënonte asnjë gol në kampionat.

Krahas aventurave me Vllazninë, Rijekën dhe Akhmad Grozni, Balaj është aktivizuar edhe në Austri, me skuadërn Strum Graz, Slavia Prague në Çeki, Jagiellonia në Poloni, Genclerbirigi në Turqi dhe Tiranën në Shqipëri./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm