Google ADS

Deri në mbledhjen e radhës të KSI-së, nuk do të ketë masa shtesë në Maqedoni

16:04 | 28 Janar 2022
S D

Ministri i Shëndetësisë, Bekim Sali sot deklaroi se aktualisht nuk ka nevojë për masa shtesë për mbrojtje nga Covid-19.

Sali theksoi se qytetarët duhet të vazhdojnë të jenë të kujdesshëm.

“Dy ditët e fundit vërejmë rënie të numrit të të infektuarve të rinj, gjithçka është nën kontroll. Nuk ka nevojë për masa shtesë tek ne. Megjithatë secili vendim është javorë, më duhet ta theksoj, deri në mbledhjen tjetër të Komisionit për Sëmundje Infektive nuk do të ketë nevojë për masa të reja, megjithatë shpresoj edhe qytetarët të jenë të kujdesshëm, edhe vaksinimi të rritet, përqindja, që të mos ketë nevojë për masa të reja. Askush nuk i do, nuk janë populiste, por kur duhet, duhet”, theksoi mes tjerash ministri Sali.

Ai gjithashtu theksoi se nuk do të ndryshojë vendimi që gjysmëvjetori i dytë i vitit shkollor 2021/2022 të vazhdojë me prezencë fizike./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm