Kurti: Vlerësimi në luftën kundër korrupsionit besoj se do të reflektohet pozitivisht në vendimet e Brukselit

10:45 | 26 Janar 2022
Përparim Bublaku

Kryeministri i Kosovës, Albin Kurti, ka thënë se vlerësimi që i ka dhënë Transparency International, Kosovës në luftën kundër korrupsionit është lajm i mirë.
Ai tha se ky përmirësim për 17 vende beson që do të ketë reflektim edhe në vendimet e BE-së për Kosovën.

“Ky sukses besoj se do të reflektohet pozitivisht në vendimet e Brukselit për vendin tonë, por edhe në forcimin e besimit të investitorëve të jashtëm për të investuar këtu pa frikë nga harraqi i së kaluarës”, tha Kurti në mbledhjen e Qeverisë, raporton arbresh.info.
Kurti ka përmendur edhe aksionet që ka marrë policia ndaj grupeve kriminale.

Ai tha se luftimi kundër korrupsionit do të ketë ndikim edhe në ardhjen e investitorëve.

“Është rrugë e gjatë por ne nuk do të ndalemi. Populli ynë nuk i do të korruptuarit dhe ne duhet t’i shërbejmë popullit”, tha Kurti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm