Një person ka përfunduar në pranga të Policisë së Kosovës, nën dyshimin për transportim të migrantëve të pa rregullt.

Sipas Policisë, është mbajtur nën vëzhgim automjeti, dhe policia kanë vërejtur se disa persona kanë vrapuar nga pylli dhe kanë hyrë në këtë automjet, shkruan arbresh.info.

“Policia Kufitare e Kosovës (DRPK, Perëndimi-Gjakovë), patrulla në Vermicë, sot më 19.01.2022, rreth orës 06:45, gjatë realizimit të planit operativ “Migrimi i pa rregullt”, kanë vërejtur lëvizje të dyshuara të një automjeti. Patrulla e policisë e ka mbajtur nën vëzhgim automjetin, kanë vërejtur se disa persona kanë vrapuar nga pylli dhe kanë hyrë në këtë automjet, njofton policia.

Policia menjëherë ka ndërmarr veprimet e nevojshme operative dhe automjeti i dyshuar është ndaluar.

Me këtë rast është identifikuar i dyshuari-vozitësi i automjetit, m/sh/kosovar dhe katër (4) shtetas tjerë të huaj, migrant të pa rregullt.

Janë ndërmarrë të gjitha veprimet e nevojshme nga njësitet relevante, me urdhër të prokurorit i dyshuari m/sh/k është ndaluar, kurse personat shtetas të huaj janë proceduar sipas ligjit për të huaj./arbresh.info/