Greqia ka vendosur një mandat vaksinimi për njerëzit mbi 60 vjeç, pasi numri i të pavaksinuarve mbetet nën mesataren e BE-së dhe për shkak të rritjes së infeksionit që po mbush spitalet.

Të moshuarit që nuk do të vaksinohen do të përballen me gjoba, duke filluar nga një gjobë prej 50 euro në janar dhe më pas i prêt një gjobë mujore prej 100 eurosh, transmeton portal arbresh.info

Rreth dy të tretat e popullsisë në Greqi janë të vaksinuar plotësisht, ndërsa mesatarja e BE-së është më pak se 70 përqind.

Shkalla e vdekjeve dhe shtrimeve ditore në spital është rritur pas përhapjes së fundit të variantit Omicron, megjithëse presioni mbi kapacitetin e ICU është zbutur pak.

Ministri i Shëndetësisë, Thanos Plevris, tha se gjobat do të mblidhen përmes zyrës së taksave dhe paratë do të përdoren për të ndihmuar financiarsht spitalet, shkruan Associated Press.

Një mandat vaksinimi u vendos për punonjësit e kujdesit shëndetësor vitin e kaluar. Dhe duke filluar nga 1 shkurti, certifikatat e vaksinimit për të rriturit do të skadojnë pas shtatë muajsh, përveç nëse mbajtësi merr një vaksinë përforcuese.

Infeksionet e reja u rritën ndjeshëm në fillim të janarit dhe janë lehtësuar gjatë javës së kaluar.

Greqia ka popullsinë e shtatë më të vjetër në botë, e matur me përqindjen e banorëve të moshës 65 vjeç e lart, sipas Byrosë së Referencës së Popullsisë me qendër në SHBA./arbresh.info/