Pavarësisht se tash e shumë vite qytetarë nga Lugina e Preshevës jetojnë e punojnë në Republikën e Kosovës, ata vazhdimisht janë përballur me vështirësi për t’u pajisur me dokumente.
Sebahate Sejdiu nga Presheva ka 19 vite që jeton në Kosovë, por dy herë i është refuzuar kërkesa për të marrë shtetësinë e Kosovës.
“Gjatë pandemisë, kur kam shku me apliku për nënshtetësi, më kanë thënë jo, sepse të ka skadu afati i leje-qendrimit”, deklaroi Sejdiu.
Megjithatë, kjo procedurë për të ardhurit nga Lugina, pritet të lehtësohet së shpejti.
Me ligjin e ri për shtetësi që do të hartohet pas koncept dokumentit, pasaportën kosovare mund t’a marrin ata që nga 12 qershori i 1999-ës deri në ditën e fundit të vitit të kaluar, kanë 5 vjet qëndrim në Kosovë.
Por, edhe ky kriter po shihet si problem për tu plotësuar.
“Problemi është si këta qytetarë do ta dëshmojnë sepse një pjesë e tyre nuk kanë as dokumente të Serbisë e as të Kosovës. Këta nuk kanë mundur të kenë as prona mbi vete, as të kenë ndonjë kontratë, as të figurojnë asgjëkundi në ndonjë institucion që këta jetojnë në Republikën e Kosovës”, u shpreh një tjetër qytetarë nga Lugina e Preshevës.
Pos që deri tash nuk kanë marrë dokumente në Kosovë, shumë prej tyre kanë humbur edhe shtetësinë e vendit prej nga kanë ardhur.
“Qytetarët e Luginës, pjesa dërmuese e të cilëve jetojnë këtu, atje po shlyhen nga adresa dhe atje i humbet e drejta themelore”, tha një tjetër qytetar nga Lugina./klankosova/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite