Ministria e Shëndetësisë në Maqedoni informon se në 24 orët e fundit janë bërë 7.932 testime për coronavirus, ndërsa janë konfirmuar 1.171 raste të reja.

Prej rasteve të reja në Shkup janë 641, Manastir – 134, Ohër – 54, Prilep – 48, Kumanovë – 39, Kavadar – 34, Shtip – 33, Gostivar – 26, Strumicë – 23, Tetovë – 21, Veles – 20, Krushevë – 16, Koçani – 14, Gjevgjeli – 13, Kërçova dhe Struga – nga 8, Kriva Pallanka dhe Resnja – 6, Vinica – 5, Negotina dhe Probishtip – nga 4, Shën Nikolla dhe Berovë – nga 3, Demir Hisar dhe Dojran – nga 2, Vallandova, Kratovë, Bogdanci, dhe Makedonski Brod – nga 1.

Në 24 orët e fundit kanë ndërruar jetë 6 pacientë, të cilët kanë qenë pozitiv për COVID-19, ndërsa nga sistemi “Termini im” janë paraqitur edhe 4 pacientë të vdekur, të cilët kanë ndërruar jetë në periudhën prej 16 dhjetor 2021 deri 5 janar 2022.

Ndërsa ISHP ka regjistruar 204 pacientë të shëruar.

Me rastet e sotme, numri i përgjithshëm i të infektuarve shkon në 231.436, prej të cilëve 214.258 janë shëruar, ndërsa 8.012 kanë ndërruar jetë.

Numri i rasteve aktive deri sot (7 janar) është 9.166.