Ka tash e sa javë që në mediat rozë komentohet një afrimitet i ish-banorëve të Big Brother VIP, Sheila Haxhiraj dhe Kledi Hysa.

Këngëtarja dhe modeli i njohur kishin një rrugëtim jo edhe shumë të gjatë brenda ambienteve të shtëpisë më të famshme në Shqipëri, por që gjëra të bukura mesa duket i kanë pritur jashtë dyshen.

Ka qenë së fundmi Sheila ajo e cila ka dhënë indikacione se mes tyre mund të ketë diçka më shumë se miqësi.

Këngëtarja ka publikuar në rrjetin social Instagram një fotografi të përbashkët, ku shihet buzë plazhit nën përqafimin e Kledit.

Komente të shumta kanë vërshuar nga ndjekësit përbri kësaj fotografie, me shumë prej tyre që i kanë përgëzuar dhe uruar si çift.

Sheila është deklaruar si beqare brenda shtëpisë së BBV, ndërsa Kledi përkundër se u përfol se kishte një lidhje jashtë shtëpisë, ai nuk e ndjek më në rrjetet sociale ish-të dashurën e tij austriake.

 

View this post on Instagram

 

A post shared by SHEILA (@sheilahaxhiraj)

Një tjetër detaj që gjithashtu ka shuar dyshimet se Sheila dhe Kledi mund të jenë tashmë çift, është edhe një tjetër fotografi e publikuar para disa dite nga Sheila, ku tregonte se e ka pirë kafen e parë të 2022-s me Kledin.

Ndërkohë, zyrtarisht nga Big Brother VIP janë krijuar tri çifte: Donald dhe Beatrix, DJ PM dhe Sarah dhe DJ Dagz dhe Einxhel. /Telegrafi/