Vrasja në Llaushë/ Kryeprokurori Ujkani: Denoncimi për dhunë nga bashkëshorti ishte bërë me 1 janar, policia e ka dorëzuar sot në Prokurori

16:14 | 6 Janar 2022
L G

Prokuroria Themelore në Mitrovicë ka dhënë detaje rreth rastit të vrasjes së gruas në Llaushë nga burri i saj.

Kryeprokurori i Prokurorisë Themelore në Mitrovicë, Ismet Ujkani tha për arbresh.info se policia shkresat në lidhje me denoncimin e viktimës në fshatin Llaushë të Skenderajt që ishte bërë me datën 01.01.2022, i ka dërguar sot në prokurori, pra një ditë pasi rastit tragjik të vrasjes.

“Po, rasti që ka ndodh më herët, policia e ka sjell në prokurori sot i ka dorëzua për rastin e datës 1 janar. Nuk theksohet aty, veç është informua prokurori edhe për detale të tjera rreth rastit nuk ka konstatime, vetëm se është liru për dhunë në familje. U hap rasti më tutje nuk ka diçka të theksuar. Pra, policia vetëm i ka pru shkresat në prokurori edhe i ka intervistua palët, nga policia e jo prokuroria. Nuk ka të dhëna të tjera për këtë person nuk ka shënime nëse është intervistua më herët”, tha Ujakni./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm