Premier League ka njoftuar klubet se nuk do të ketë më kërkesë për testim PCR për COVID-19 nga dy herë në javë.
Nga e enjtja klubet do të kryejnë testet ditore.
Testet do të kryhen një ditë para ndeshjeve dhe në të gjitha ditët e stërvitjes, me testet PCR të cilat do të përdorën vetëm për të konfirmuar një rezultat pozitiv të dyshuar.
Ndryshimi vjen pas politikës së përditësuar të qeverisë për testim dhe izolim, e cila vendos më pak theks në testet PCR.
Të mërkurën, Agjencia e Shëndetit dhe Sigurisë në Mbretërinë e Bashkuar njoftoi se nga 11 janari, një individ asimptomatik që rezulton pozitiv për Covid-19 në një test të rrjedhës anësore, nuk do të ketë më nevojë të bëjë një test për të konfirmuar rezultatin.
Shefi ekzekutiv i Premier League, Richard Masters u shkroi të 20 klubeve për t’u thënë se fokusi tani do të jetë në testet e rrjedhës anësore.
Lojtarët dhe stafi që rezultojnë pozitivë do të vazhdojnë të marrin PCR, por klubet nuk do të marrin më pjesë në testet e detyrueshme PCR dy herë në javë.
Gjithsej 17 ndeshje të ligës angleze janë shtyrë që nga fillimi i dhjetorit për shkak të ndikimit të variantit Omicron.
Kjo çoi në kthimin e masave urgjente në 20 klubet e Premier League, e cila ka vazhduar deri në vitin 2022.
Premier League njoftoi të hënën se 14, 250 teste Covid-19 u kryen te lojtarët dhe stafi midis 27 dhjetorit dhe 2 janarit, me 94 rezultate pozitive./Arbresh.info
Policia kërkon bashkëpunim me qytetarët për identifikimin e ...
Gjermania zbulon rastin e parë të variantit të ri mpox Ib
Riho Terras nga Estonia pritet të jetë raportues për Kosovën...
Trepça nesër kërkon fitoren e pare në Fiba Europe Cup
Gërvalla takon Sekretarin e Përgjithshëm të KiE-së, flasin p...
Bislimi priti në takim ambasadorin italian, nënvizoi nevojën...