Presidenti i Kazakistanit, Kassym-Jomart Tokayev tha të mërkurën se ai i kishte bërë thirrje një blloku sigurie të udhëhequr nga Rusia për të ndihmuar Kazakistanin për të kapërcyer atë që ai e quajti një “kërcënim terrorist”.
Tokayev bëri një fjalim të dytë para mediave, ndërsa republika e Azisë Qendrore përballet me trazirat më të këqija në më shumë se një dekadë, të shkaktuar fillimisht nga një rritje e çmimit të karburantit, shkruan Reuters, transmeton arbresh.info
Ai tha se ato që ai i përshkroi si bandat terroriste të trajnuara nga të huajt po kapnin ndërtesa, infrastrukturë dhe armë. Ata kishin marrë kontrollin e aeroportit në qytetin më të madh, Almaty, dhe pesë avionë atje, duke përfshirë avionë të huaj, tha ai.
“Në fakt nuk është më një kërcënim, është një cenim i integritetit të shtetit dhe më e rëndësishmja është një sulm ndaj qytetarëve tanë që po më kërkojnë… t’i ndihmoj urgjentisht,” tha Tokayev.
“Almaty u sulmua, u shkatërrua, u vandalizua, banorët e Almatit u bënë viktima të sulmeve të terroristëve, banditëve, prandaj është detyra jonë… të ndërmarrim të gjitha veprimet e mundshme për të mbrojtur shtetin tonë”.
Tokayev tha se ai i kishte bërë thirrje Organizatës së Traktatit të Sigurisë Kolektive (CSTO), një aleancë ushtarake e Rusisë, Bjellorusisë, Armenisë, Kazakistanit, Kirgistanit dhe Taxhikistanit.
Mirëpo ky i fundit nuk tregoi se çfarë përgjigje kishte marrë./Reuters/arbresh.info/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...