Ishte shpallur e vdekur, por gjatë varrimit foshnja e lindur para kohe fillojë të qajë në Turqi

11:37 | 4 Janar 2022
V. S.

Një nënë turke ka sjell në jetë para kohe një foshnje, por mjekët pohuan se i sapolinduri ka vdekur.

Familja turke kishte marrë fëmijën e pajetë që kishte lindur katër muaj para kohe dhe ishin nisur drejt varrezave të qytetit të Adanas.

Megjithatë, foshnja që i ishte bërë edhe raporti i vdekjes, filloi të qajë para se të varroset, raportojnë mediat turke.

Babai Hasan Sert, i cili priste një lajm të mirë nga fëmija, tha se nuk mund ta besonte atë që kishte ndodhur.

“Pasi mora trupin e pajetë të foshnjës sime, u trondita kur dëgjova zhurmën e të qarit në varreza. Në fillim nuk e besova, thashë ‘nuk ka mundësi’, por kur hapa qefinin, pashë që ishte gjallë. Është hera e parë në jetën time që kam dëgjuar dhe parë një gjë të tillë. Dhimbja që kam kaluar si baba është e papërshkrueshme. Nëse ka neglizhencë, dua që të hetohet rasti”, tha ai.

Ndryshe, prokuroria turke tashmë ka nis hetimet rreth këtij rasti dhe ka marrë në pyetje mjekët. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm