40 për qind e popullsisë së Jemenit vuan nga “ushqimi i pamjaftueshëm”

23:21 | 3 Janar 2022
Përparim Bublaku

Sipas Zyrës për Koordinimin e Çështjeve Humanitare (OCHA), pothuajse 40 për qind e popullsisë së Jemenit po përballet me “ushqim të pamjaftueshëm”.

OCHA theksoi se pavarësisht përpjekjeve të vazhdueshme për të lehtësuar rrezikun e urisë në Jemen, pasiguria ushqimore vazhdon të mbetet një sfidë kryesore në vend.

“Pasiguria akute ushqimore është një realitet për 16.2 milionë persona”, tha OCHA.

Jemeni është i përfshirë nga dhuna dhe paqëndrueshmëria që nga viti 2014 kur rebelët Houthi pushtuan pjesën më të madhe të vendit, përfshirë kryeqytetin Sanaa.

Sipas vlerësimeve të Kombeve të Bashkuara (OKB), koalicioni i udhëhequr nga Arabia Saudite, që synon të rikthejë qeverinë jemenase, ka përkeqësuar situatën duke shkaktuar një nga krizat më të rënda humanitare në botë, me afër 80 për qind ose rreth 30 milionë njerëz që kanë nevojë për ndihmë dhe mbrojtje humanitare, si dhe me mbi 13 milionë njerëz që janë në rrezik të urisë./AA/

Shpërndaje në rrjete sociale

Lajmet më të lexuara

Të ngjashme

Foto lajm