Ministri turk i Punëve të Jashtme, Mevlüt Çavuşoğlu dhe sekretari amerikan i shtetit, Antony Blinken, kanë diskutuar në telefon një sërë çështjesh, përfshirë tensionin midis Rusisë dhe Ukrainës.
Biseda telefonike erdhi pasi SHBA dhe Rusia javën e ardhshme do të zhvillojnë bisedime në lidhje me tensionet pranë kufirit ukrainas.
Bisedimet pasohen nga takimi i Këshillit Rusi-NATO më 12 janar dhe takimi i Organizatës për Siguri dhe Bashkëpunim në Evropë (OSBE) më 13 janar.
Ministria e Punëve të Jashtme e Turqisë njoftoi se krahas marrëdhënieve dypalëshe, dy kryediplomatët diskutuan edhe për zhvillimet e fundit në Sudan, Etiopi dhe Kaukaz.
Ndërkohë, Departamenti i Shtetit i SHBA-së tha se Blinken dhe Çavuşoğlu diskutuan për përshkallëzimin pranë kufirit ukrainas.
“Sekretari Blinken dhe ministri i jashtëm Çavuşoğlu diskutuan rëndësinë e vazhdimit të koordinimit në lidhje me përshkallëzimin rus në Ukrainë”, tha në një njoftim Ned Price, zëdhënës i Departmentit të Shtetit, transmeton Anadolu Agency.
Price tha se ata po ashtu diskutuan çështje që lidhen me Bririn e Afrikës, emërimin nga Turqia të të dërguarit të posaçëm, Serdar Kılıç, për të diskutuar procesin e normalizimit me Armeninë, si dhe mundësitë për të thelluar bashkëpunimin dypalësh dhe për të adresuar si aleatë të NATO-s fushat me shqetësim të përbashkët.
Rusia së fundmi ka grumbulluar dhjetëra mijëra trupa pranë kufirit të Ukrainës. Ky veprim ka shkaktuar shqetësime midis aleatëve të NATO-s se Moska mund të planifikojë një tjetër ofensivë ushtarake kundër fqinjit të saj ish-sovjetik.
SHBA dhe aleatët e saj evropianë akuzojnë Rusinë se po përpiqet të destabilizojë vendin duke ofruar mbështetje ushtarake për forcat separatiste në rajonet lindore të Ukrainës.
Vranësira dhe reshje shiu, moti sot në Shqipëri
VV-ja vazhdon edhe sot mbledhjen e Këshillit të Përgjithshëm
Horoskopi ditor – Çfarë kanë parashikuar yjet për shen...
Moti për këtë të diel
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...