Google ADS

23 vjeçarja nga Shqipëria plagoset në hotel: Më qëlloi padashje, po festonim Vitin e Ri

11:43 | 3 Janar 2022
A. B.

Një 23-vjeçare është plagosur me armë zjarri këtë mëngjes rreth orës 09:20 në ambientet e një hoteli në autostradën Durrës-Tiranë.

Fatbardh D. nga Sukthi, i cili e qëlloi 23 vjeçaren, iku nga vendi i ngjarjes duke e lënë të plagosurën aty.

E plagosura që është dërguar në spital ku ndodhet jashtë rrezikut për jetën ka deklaruar se është qëlluar padashje nga i dashuri me të cilin ishte në hotel.

Sipas saj, ai ka qenë i dehur dhe arma i është shkrepur pa dashje, shkruan TCH.

Largimi nga vendi i ngjarjes është një rrethanë që e rëndon më tej pozitën e autorit të dyshuar për plagosje, ndërsa për policinë rrethanat e krimit janë ende të paqarta.

Postblloqe janë ngritur për kapjen e 32-vjeçarit në bashkëpunim me policitë e zonave fqinje me Durrësin.

Çifti ka qenë për të festuar nisjen e vitit të ri, por është përfshirë në një ngjarje kriminale që pret të zbardhet më tej nga grupi hetimor.

Shpërndaje në rrjete sociale

Lajmet më të lexuara

Të ngjashme

Foto lajm