MPJD i kundërpërgjigjet deklaratës së OKB-së: UNMIK-u është informuar për shpalljen “non-grata” të zyrtarit rus

16:46 | 2 Janar 2022
A. B.

Pas shpalljes non-grata të zyrtarit rus, pjesë e Misionit të Administratës së Përkohshme të Kombeve të Bashkuara (UNMIK) nga MPJD, ka reagur Organizata e Kombeve të Bashkuara.

Sipas tyre, doktrina e “persona non grata” nuk është e zbatueshme për personelin e Kombeve të Bashkuara dhe nuk është parashikuar sipas rregullores së UNMIK-ut 2000/47 (mbi statusin, privilegjet dhe imunitetet e KFOR-it dhe UNMIK-ut dhe personelit të tyre në Kosovë).

Por, Sharr Jakupi, shef i stafit në Ministrinë e Jashtme dhe të Diasporës së Kosovës, i është kundërpërgjigjur deklaratës së OKB-së.

Jakupi përmes një postimi në Twitter tha se UNMIK-u ishte njoftuar nga MPJD-ja më 31 dhjetor 2021, për shpalljen “non-grata” të njërit prej zyrtarëve të saj.

“UNMIK-u është njoftuar nga MPJD-ja të premten, më 31 dhjetor 2021, një nga zyrtarët e tyre ishte shpallur persona non-grata”, ka shkruar Jakupi.

Lexo edhe:

Kosova shpall person non-grata një zyrtar rus të UNMIK-ut

Shpërndaje në rrjete sociale

Lajmet më të lexuara

Të ngjashme

Foto lajm