Aktakuzë ndaj një gruaje për organizim dhe pjesëmarrje në grup terrorist

15:38 | 29 Dhjetor 2021
Përparim Bublaku

Prokuroria Speciale e Republikës së Kosovës (PSRK) ka ngritur aktakuzë në Departamentin Special të Gjykatës Themelore të Prishtinës, kundër të pandehures me inicialet S.SH., për shkak se dyshohet se ka kryer veprën penale ”Organizimi dhe pjesëmarrja në grup terrorist”, nga neni 143, paragrafi 2 i KPRK-së.

Prokuroria Speciale, njofton se e pandehura S.SH., me paramendim, me dashje dhe duke bërë përgatitje paraprake me qëllim që t’i bashkëngjitet organizatës terroriste ”ISIS” ka udhëtuar së bashku me bashkëshortin e saj, shtetas turk, nga Gjermania për në Turqi dhe, më pastaj, përmes lidhjeve të caktuara ka depërtuar në Siri, ku është angazhuar përmes ndihmës logjistike në organizatën terroriste ”ISIS”.

Me këto veprime e pandehura S.SH. ka kryer veprën penale ”Organizimi dhe pjesëmarrja në grup terrorist” nga neni 143, paragrafi 2 i KPRK-së./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm