Google ADS

Kurti i reagon Abdixhikut për diplomën e fakultetit

13:17 | 29 Dhjetor 2021
V. S.

Kryeministri i Kosovës, Albin Kurti ju ka përgjigjur sot akuzave të kryetarit të LDK-së, Lumir Abdixhiku.

Në një konferencë për media, Kurti tha se  “e di që ndodhemi në sulme dhe akuza të shumta të opozitës por duhet ta kuptoni se unë kam ardhur në qeverisje me një fitore të listës sonë me 50.28%”.

“Unë diplomën në UP e kam në fakultetin e Teknikut në Telekomunikacion dhe Kompjuterikë dhe nuk e kam në blerje në bursë. Nuk besoj që kemi bërë asnjë lëshim ose gabim, deri më tani. E di që ndodhemi në sulme dhe akuza të shumta të opozitës por duhet ta kuptoni se unë kam ardhur në qeverisje me një fitore të listës sonë me 50.28%, sepse ka ekzistuar një dëshpërim i madh me ish-pushtetin që është sot në opozitë”, ka thënë ai, raporton arbresh.info

Kujtojmë se Abdixhiku ka deklaruar për Kurtin se nëse ai nuk e di çmimi i rrymës kontraktohet atëherë ta dorëzoj diplomën e inxhinierit në fakultet./ arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm