Ministri i Financave, Hekuran Murati, ka thënë në emisionin dPT te Fidani në T7 se nuk e ka parë kontratën e nënshkruar për pagesën e ekspertit gjerman.
Mediat raportuan se pagesa e tij është 12 mijë euro në ditë, ndërsa shifra totale mbërrin 248 mijë euro.
Murati tha se humbjet që po pëson Kosova nga rënie e bllokut B-2 janë shumë më të mëdha se sa shuma e përfolur në medie.
“Nuk është se kam parë një kontratë dhe e kam nga mediat. Por besoj se kjo është më tepër përpjesëtim i ditëve të punës që kompania e angazhuar do të marrë si total. Nuk e kam parë kontratën dhe nuk i di termat e referencës, 248 mijë është total. Është me rëndësi që sa më shpejt ta kthejmë bllokun, sepse kosto oportune për cdo ditë që ky bllok është i rënë, nëse llogarisim çmimet e importit, ora na kushton 100 mijë euro nëse importohet sasia e njëjtë, apo 2.4 milionë euro dita”, tha ai.
“Jemi duke diskutuar për ta rregulluar një problem i cili mund të kushtojë shumë më shtrenjtë. Telekomi ka paguar me shifra të ngjashme të publikuara vite më parë. Kemi pasur menaxherë e drejtorë që kanë pasur shifra marramendëse. Nëse flasim për një problem që kushton shumë më shumë, sepse si ministër i financave nuk do ta doja këtë punë po të mos kishte këso kosto të problemeve, atëherë nuk do e diskutoja”, përfundoi ai.
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban