Google ADS

Para Vitit të Ri do të paguhen mësimdhënësit dhe stafi tjetër i angazhuar në mësimin Online

20:46 | 27 Dhjetor 2021
Përparim Bublaku

Para Vitit të Ri do të realizohen pagesat për mësimdhënësit, koordinatorët dhe redaktorët-lektorët që kanë qenë të angazhuar në procesin e projektit e-Mësimi.

Këtë e ka bërë të ditur ministrja e Arsimit, Arbërie Nagavci. Ajo pashtu ka njoftuar se do të paguhen edhe vajzat dhe gratë përfituese të bursave STEM

“Para Vitit të Ri do të realizohen pagesat për vajzat dhe gratë përfituese të bursave STEM, ashtu si dhe pagesat për mësimdhënësit, koordinatorët dhe redaktorët-lektorët që kanë qenë të angazhuar në procesin e projektit e-Mësimi, e të cilëve qeveria e kaluar nuk u kishte kryer obligimet për punët e realizuara sipas marrëveshjes. Me mbështetjen shtesë nga Qeveria e Kosovës me mbi 4 milionë euro do të kryhen edhe pagesat për librat shkollorë. Kursejmë energjinë elektrike e vazhdojmë me punë”, shkruan Nagavci.

Projekti e-Mësimi ishte zhvilluar me qëllim të ndjekjes së procesit mësimor nga nxënësit për shkak të pandemisë me koronavirus në Kosovë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm