Google ADS

Kriza energjetike në vend, Lista Serbe bën thirrje për konsum racional të energjisë

17:10 | 26 Dhjetor 2021
Arditë Shkodra

Lista Serbe ka bërë thirrje për kursim të energjisë elektrike kur Kosova po përballet me një krizë energjetike.

Përmes një postimi në Facebook, Lista Serbe ka kërkuar konsum racional në mënyrë që të gjithë të kenë energji elektrike të mjaftueshme, transmeton arbresh.info

“Lista Serbe u bën thirrje të gjithë qytetarëve të tregojnë solidaritet dhe përgjegjësi dhe të ulin konsumin e energjisë elektrike, veçanërisht ata që konsumojnë sasi të mëdha të energjisë elektrike në disproporcion me përdorimin normal. Është periudha e dimrit dhe është e rëndësishme që me konsum racional të gjithë të kenë energji elektrike të mjaftueshme”, thuhet në postimin e LS.

Po ashtu të njëjtën thirrje për kursim të energjisë e kanë bërë edhe Qeveria e Kosovës, KEDS e KOST./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm