Google ADS

Policia: Morëm një telefonatë anonime se janë vendosur mjete shpërthyese në stacionin e Autobusëve

15:31 | 23 Dhjetor 2021
L G

Policia e Kosovës është deklaruar rreth dyshimeve për vendosjen e një bombe në stacionin e autobusëve në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti tha se policia ka pranuar një telefonatë nga një person anonim, i cili ka deklaruar se ka vendosur një mjet shpërthyes në stacionin e autobusëve.

Ahmeti tha se menjëherë kanë dalë të gjitha njësitet policore për të evakuuar qytetarët dhe për të siguruar atë zonë.

“Rreth orës 14:00, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës”, tha Ahemti.

Ende nuk është bërë e ditur nëse ky alarm është i rremë./arbresh.info/

LEXO EDHE

Dyshohet për eksploziv në Stacionin e Autobusëve në Prishtinë – Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm