Brigitte Macron, gruaja e presidenti të Francës, Emmanuel Macron do të ndërmarrë veprime ligjore mbi një teori konspirative në internet se ajo është një grua transgjinore dhe ka lindur mashkull.
Zonja e parë franceze është vënë në shënjestër në mediat sociale me pretendimet e rreme, pasi ato u publikuan në një faqe interneti të ekstremit të djathtë në shtator të qarkulluar më pas nga teoricienët e konspiracionit, transmeton arbresh.info
Thashethemet thonë se ajo ka lindur mashkull me emrin Jean-Michel Trogneux.
Emri është bërë trend në rrjetet sociale me dhjetëra mijëra shpërndarje.
Avokati i zonjës Macron ka konfirmuar se ajo është duke ndërmarr masa ligjore.
“Ajo ka vendosur të nisë procedurat, është në proces”, konfirmoi avokati Jean Ennochi për agjencinë e lajmeve AFP.
Gënjeshtrat për 68-vjeçaren janë përhapur nga llogari që kundërshtojnë bashkëshortin e saj, Presidentin Emmanuel Macron, duke përfshirë ato në të djathtën ekstreme politike, grupet kundër vaksinave dhe nga lëvizja konspirative QAnon.
Mediat franceze e kanë gjurmuar historinë në një artikull të shkruar në një revistë të ekstremit të djathtë nga një grua e quajtur Natacha Rey. Më pas gjeti një audiencë më të gjerë pasi u diskutua në një transmetim shumë të shikuar në YouTube me shikime të ndara në internet nga një shumëllojshmëri anti-vaksistësh, skeptikësh ndaj Covid dhe aktivistë të së djathtës ekstreme, sipas gazetës Libération./bbc/arbresh.info/
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?