Aleanca Kosovare e Bizneseve, ka publikuar një studim hulumtues në lidhje me punësimin në sektorin e gastronomisë dhe hotelerisë në Kosovë, ku del se informaliteti kalon 45% kundrejt atyre që kanë kontratë pune.
Sektori i Gastronomisë dhe Hotelerisë është në zhvillim e sipër në Kosovë por edhe informaliteti në punësim në këta sektorë është i lartë, thotë AKB.
Në këtë sektor, sipas hulumtimit, vetëm 47% janë deklaruar se kanë kontratë pune, kundrejt 45% që nuk posedojnë asnjë kontratë formale, përveç marrëveshjes gojore për pagë mujore. “Kurse 8% nuk deklarohen për gjendjen e punësimit të tyre”.
“Punëtorët e këtyre sektorëve, përveç ankesave që kanë për moszbatim të kontratës për punësim, ankohen se kanë orar të gjatë të punës, të pacaktuar dhe pa pagesë sidomos gjatë sezonit të verës”, theksohet në komunikatën e AKB-së.
Por nga ana tjetër, punëdhënësit ankohen në mungesë të punëtoreve profesionalë dhe mosgatishmërinë e të punësuarve për të nënshkruar kontratë pune.
Punësimi më i madh në këta sektor ndodhë në sezonin e verës dhe festave të ndryshme.
AKB-ja i rekomandon Ministrisë së Financave, Punës dhe Transfereve dhe Inspektoriatit të Punës që të shtojnë aktivitetet e tyre, sidomos gjatë sezonit veror dhe festave të fundvitit, për të konstatuar gjendjen reale se kush nuk po e zbaton Ligjin e Punës.
Pacolli: Është përfolur se Republika e Togos ka tërhequr njo...
Arrestohet në Jarinjë serbi që ditë më parë pagoi 30 mijë eu...
Gërvalla takon homologun polak: Kosova dhe Polonia me partne...
Njëvjetori i rënies, policia përkujton heroin Afrim Bunjaku ...
Konfirmohet data dhe ora për El Classicon e parë në La Liga
Shefi i Zyrës së BE-së: Autorët e agresionit në Banjskë të d...