Cadizi e ka ndalur Real Madridin me një barazim 0:0 të dielën, duke ia ndërprerë liderit të La Ligës ecurinë prej shtatë fitoreve radhazi në ligë.
Skuadra e Carlo Ancelottit vinte në këtë takim në një ecuri mbresëlënëse prej shtatë fitoreve radhazi në ligë, por dështoi t’i shënojë në Santiago Bernabeu skuadrës së parafundit në tabelë me gjithë përpjekjet e mëdha.
Cadizi nuk e pati asnjë goditje në kornizën e portierit Thibaut Courtois, por aplikoi lojë tejet mbrojtëse që ia pamundësoi Realit të shënojë.
Pavarësisht barazimit, Real Madridi mbetet lider i La Ligës tani me 43 pikë, gjashtë më shumë se Sevilla në vendin e dytë, e cila e ka një ndeshje më pak të zhvilluar.
Cadizi ngel i parafundit me 14 pikë, një pikë larg zonës së shpëtimit nga rënia prej elitës.
Reali i kishte 36 goditje në drejtim të portës së Cadizit, prej të cilave vetëm 9 brenda kornizës së portës, por i mungoi efikasiteti.
Skuadra e Ancelottit ishte me mungesa të mëdha, pasi gjashtë futbollistë Gareth Bale, Rodrygo Goes, Marcelo, Marco Asensio dhe Andriy Lunin munguan si pasojë e infektimit me Covid-19. Luka Modric mungoi po ashtu, pavarësisht se doli negativ në testin për koronavirus.
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...