Banorët e Panaritit në Korçë të bllokuar nga bora, trashësia mbi një metër

23:03 | 19 Dhjetor 2021
A. B.

Prej së shtunës, banorët e Panaritit në Korçë mbetën të bllokuar nga bora, trashësia atje ka arritur më shumë se një metër.

Banorët morën lopata për të hapur rrugën, teksa thanë se asnjë institucion nuk u është gjendur pranë.

Ata u shprehën se kanë pasur probleme me furnizimin me ushqime. Probleme kishte edhe në Shkodër.

Thethi nuk ka komunikim me qytetin, ndërsa Lëpusha është në errësirë prej dy javësh.

Rruga në drejtim të këtij fshati turistik është bllokuar sërish nga Qafa e Thorës për në brendësi të tij. Pamjet që vijnë nga kjo zonë tregojnë situatën e vështirë.

Firma e kontraktuar për hapjen e këtij aksi nga autoriteti rrugor shqiptar, po përballet me vështirësi dhe e ka të pamundur të çajë trashësinë e dëborës që ka veshur rrugën e re./oranews.al/

Shpërndaje në rrjete sociale

Lajmet më të lexuara

Të ngjashme

Foto lajm