Google ADS

Bayern Munchen fiton me rezultat të thellë Wolfsburgut

22:23 | 17 Dhjetor 2021
Lorik Gerbeshi

Bayern Munchen ka arritur tjetër fitore në Bundesligë pasi ka mposhtur me rezultat 4-0 Wolfsburgun në kuadër të xhiros së 17-të.

Goli i parë erdhi qysh në minutën e shtatë përmes Thomas Muller.

Pavarësisht rasteve në pjesën e parë, nuk pati më gola.

Në pjesën e dytë, bavarezët shënuan edhe tre gola tjerë.

Ata ishin të shpejtë në realizimin e tyre ku shënuan dy gola tjerë brenda dy minutave.

Në minutën e 57-të, Dayot Upamecano shënoi për rezultatin 2-0, ku menjëherë pas dy minutave, Leroy Sane trefishoi rezultatin.

Tre minuta pa përfunduar koha e rregullt e ndeshjes, nuk mund si të mos shënonte Robert Lewandowski, i cili realizoi për rezultatin përfundimtar 4-0.

Me këtë fitore, Bayerni vazhdon kryesimin në renditjen tabelare të Bundesligës me 43 pikë, ndërsa Wolfsburg gjendet në vendin e 12-të me 20 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm