Industria e Koresë së Jugut konfirmoi titullin e kampionit botëror në aplikimin e teknologjisë robotike në vitin 2020, ndërsa Gjermania përsëri zuri vendin e parë në Europë, sipas një studimi të Federatës Ndërkombëtare të Robotikës.
Koreja e Jugut kishte 932 robotë për 10 mijë punonjës në industri gjatë vitit të kaluar, duke konfirmuar pozicionin e saj lider në botë për të dhjetin vit rradhazi, transmeton portal arbresh.info
Në vendin e dytë është Singapori me 605 instalime robotike për 10 mijë punëtorë dhe në vendin e tretë është Japonia me 390.
Gjermania, nga ana tjetër, është e katërta në botë dhe e para në Europë me 371 robotë për 10 mijë punonjës.
Suedia renditet në vendin e dytë në Europë me 289 robotë, duke e bërë atë vendin e pestë më të madh në botë.
Vendet europiane janë në shumicën dërrmuese ndër 10 më të mirat në botë për aplikimin e teknologjisë robotike, kështu që Danimarka renditet e 10-ta, e ndjekur nga Italia, Belgjika dhe Luksemburgu, Holanda, Austria, Spanja, Franca, Sllovenia dhe Zvicra.
Një e treta e robotëve në industrinë europiane u instaluan në vitin 2020 në fabrikat në Gjermani.
Në total, tetë për qind më pak instalime robotike u instaluan në fabrikat europiane vitin e kaluar sesa në vitin 2019.
“Dendësia” e robotëve në industri është një tregues shumë i rëndësishëm për të kuptuar dallimet në nivelin e automatizimit midis ekonomive, theksoi Presidenti i IFR Milton Guerry.
Kina ka bërë përparimin më të madh midis 2015 dhe 2020, nga 49 në 246 robotë, duke i siguruar vendin e nëntë në botë, pas Tajvanit me 248 robotë dhe SHBA-së me 255./arbresh.info/
Hetimi i brendshëm konstaton mangësitë në atentatin ndaj Tru...
Begaj në Ditën e Paqes: Bota është trazuar në mungesë të saj
Sulmuan fizikisht zyrtarët policorë, arrestohen tre persona ...
Sekuestrohen barna pa banderola me vlerë 1500 euro, arrestoh...
Serbia përgatit 500 trupa për ndërhyrje në veri, Shala: Nuk ...
PSG refuzon t’i paguajë shifrën marramendëse Mbappes