Google ADS

KQZ ka pranuar 381 pako me fletëvotime për Dragashin, numërimi i tyre fillon të martën

11:11 | 14 Dhjetor 2021
Përparim Bublaku

381 pako me fletëvotime nga jashtë për raundin e dytë për kryetar të Dragashit ka pranuar Komisioni Qendror i Zgjedhjeve.

Siç ka njoftuar zëdhënësi i këtij institucioni numërimi i këtyre votave do të nisë të martën nga ora 15:00 në QNR.

“Të hënën në mesnatë ka përfunduar afati 15 ditor për pranimin e fletëvotimeve nga jashtë Kosovës për raundin e dytë të Zgjedhjeve për Kryetar të Komunës së Dragashit. Numri i pakove të supozuara me fletëvotime që janë pranuar është: 381. Numërimi i fletëvotimeve do të bëhet këtë të martë, në orën 15:00, në QNR”, ka thënë Elezi.

Votimi përmes postës për kryetar të kësaj komune ishte anuluar nga Gjykata Supreme, për shkak të dyshimit për manipulim.

Në garë për këtë komunë janë PDK dhe LDK./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm